منقبت

شاعر ہفت زباں حضرت پیر سید نصیرالدین نصیر رحمتہ اللہ علیہ گولڑوی نے 25اشعار پر مشتمل اعلٰی حضرت فاضل بریلوی رحمتہ اللہ علیہ کی منقبت لکهی ہے، جس میں 2 شعرعربی، 6اشعارفارسی اوربقیہ اردوکےہیں-

فخر ملت ، لائق صد احترام احمد رضا

محتشم ،بالغ نظر ،عالی مقام احمد رضا

کر گئے ارباب دل کو شاد کام احمد رضا

دے گئے عشق نبی کا اک نظام احمد رضا

مرد میداں،فردِ دوراں،فضلِ حق، فیض رسول

رکنِ دیں، کوہِ یقیں، عنبر مشام احمد رضا

منبعِ فیضانِ سنت،شارح اُمُّ الکتاب 

نازش اسلاف و آبائے عظام احمد رضا

نجمِ بُرجِ عشقِ احمد، نیر چرخِ ادب

آسمان علم کے ماہِ تمام احمد رضا

مجتھد ، مفتی، مدرس ،دیدہ ور، شاعر،ادیب

متقی،عالِم، فقیہِ نیک نام احمد رضا

نکتہ رس،ناقد ،رُباعی گو ،یَم فنِ عروض 

پاک جوہر،خوش بیاں،شیریں کلام احمد رضا

عِبۡقَری ،حاذِق ،فی کل علم ماھر 

نال نَیلاً کاملاً عندالکرام احمد رضا

زُرتُہ وجھاً بوجہ صارَ قلبی فارحاً

جاءنی باللطف لیلاً فی المنام احمد رضا

ضو فشاند در ہجوم تیرگی مانند خور

می درخشد چوں سھیل ،اندر ظلِام،احمد رضا

دل تپد در سینہ وجاں بِشگَفد چوں برگِ گل 

چوں ز نعت مصطفی رانَد کلام احمد رضا

شاہ جیلاں را غلام خاص وشیدائے رُخش 

بردر غوث الوریٰ دارد قیام احمد رضا

گرز علمش از سر کج گردناں آرد دمار 

دیوِ بدخو را فروبندد بہ دام احمد رضا

چوں مہ تاباں غنی ،از فکر غوغائے سگاں

بے خطرچوں یوسف از طعنِ لئام،احمد رضا

در نگاہِ عارفاں نعم العقائد ذات او

نزد اہل علم وفن،خیرالکلام،احمد رضا

ہے لقب الشّاہ واعلیٰ حضرت وبحر العلوم 

ہے رضا ان کا تخلص،اور نام،احمد رضا

چاہتے تھے قد آدم قبر،اپنے واسطے

آمد آقا پہ کرنے کو قیام،احمد رضا

جان ودل سے حلقہء اصحاب کے حلقہ بگوش

اہل بیت مصطفٰی کے بھی غلام،احمد رضا

حضرت حسان بن ثابت کا لوٹ آتا ہے دور 

دور میں جب نعت کا لاتے ہیں جام،احمد رضا

دوستوں کے باب میں اک پیکر لطف وکرم

دشمنوں کے حق میں تیغ بے نیام احمد رضا

نام کی تاثیر سے مل جائے گا عشق رسول

دیکھ لو رکھ کر کسی بچے کا نام،احمد رضا

ان کی نظم ونثر،نیزے کی انی بہر عدو

منہ میں گستاخوں کے دیتے ہیں لگام،احمد رضا

کتنی صدیاں چاہییں جس کام کی تکمیل کو

کر گئےتھوڑے سے عرصے میں وہ کام،احمد رضا

چھا گیا تیرا سلام "جان رحمت" ہر طرف

تیری روح پاک پر لاکھوں سلام،احمد رضا

طے کیا آخر یہ ارباب نظر نے اے نصیر

ترجمان اہل سنت ہیں ، امام احمد رضا

(پیرسیدنصیر الدین نصیر شاہ رحمتہ اللہ علیہ گولڑوی)